Eraginkortasuna Saritzen

Eraginkortasun sariei buruz hausnartzean, ezinbestean, beste sari mota batzuk oroitzen ditut, Zine sariak, Telebista sariak, e.a.
Publizitateari dagokionez, kreatibitatea saritzea helburu duten beste saritze batzuk ere gogoratzen ditut, hala nola Cannesko Urrezko leohien saritzea. Cannesko saritzeak agentzia ezberdinak eduki ohi ditu errepresentatuta. Baina esan bezala, kreatibitatea saritzen da bertan, ez Eraginkortasuna.

Egia bada ere, mezu publizitarioek norbanakoengan eragiten duten edo ez jakitea nahiko konplexua dela, kanpaina baten eraginkortasuna neurtzerakoan, kanpaina bera gauzatzeko orduan uztartutako baliabideak, inbertsioak, eta kanpaina ostean lortutako emaitzak harremanetan jarri beharko lirateke.

Eficacia sariek hori bera egiteko grina dutela deritzot, eta horregatik ondo iruditzen zait iragarleak kanpainaren inguruan edukitako gorabeherak aipatu behar dituztela. Hala ere, hori egiteak, betiko leloaren betiko leloa dakarkit burura inbersioa=arrakasta. Eta honekin daukat kontrapunturik sakonena.

Nire aburuz, eraginkortasun haundiena ez dago zertan diruan islatuta egon beharrik, markaren irudi korporatiboari dagozkien kanpainetan ez baita produktu bat eskaintzen, eta horrek zernolako islada edukiko luke inbertsioengan eta plan komunikatiboen gauzaketan?

Bestela ere, aipatu beharra dago kanpaina bateri etekinik haundiena ateratzea, eraginkortasuna edukitzeko beste bide bat dela. Eta honekin bai, datuek bere errendimendua islatu dezakete.




Eficacia sarietaz ari naizela, Asociacion Española de Anunciantesek antolatzen duela oroitzean, argi eta garbi daukat nor den sariketa honetako benefiziatu haundiena. Iragarleria. Era hontako sariketa batek, iragarleen lanari prestigioa ematea bilatzen dutela deritzot. Horrelako ekintza batek jendaurrean sortzen duen interesa nahikoa da, iragarle eta agentziek beraien lanarekiko irudi prestigiotze bat sortzeko. Eta horrelako aukerak, uztartu beharrekoak dira, etorkizunean arrakasta edukitzea bilatzen bada, behintzat.

Hala ere, aurpegi garbitze baten moduan funtzionatu dezakeen arren, inbertsio = arrakasta kontzeptuaren gatazka ez du ahaztuarazten. Eta honekin bat, 2009ko Eficacia Sarien eta urte bereko inbertsio rankingaren alderaketa letorke.

Argi eta garbi dago eraginkortasuna saritzean, inbertsio kopurua zuzenki lotua dagoela. Izan ere, 2009ko Eficacia sarietan, El Corte Inglesek Brontzezko saria lortu zuen, inbertsio rankinean 4. postuan kokatuta zegoen bitartean. Eta hori gutxi balitz, Telefonicak, zilarrezko saria lortu zuen, inbertsio rankinean lehengo postuan aurkitzen zelarik. Zer nolako kasualitatea...

Azkenik, bi ranking hauek alderatzean gustatu zaidan datu batean aurkitutako kuriositatea aipatu gura neuke. Linea Directa Aseguradorak, urrezko domina lortu zuenak, inbertsio rankingean agertzen zen arren, 17. postua lortu zuen azken hontan. Kuriositatea, inbertsio rankingean erdialdean kokatu arren, eraginkortasunaren sariketan urrezko domina lortu zuela litzateke. Eta faktore honi, lehen eta laugarren inbersoreek, zilarrezko eta brontzezko saria lortu zutela gehitzen badiogu, lehenago aipatutako teoria propioari men egiten dio. Eraginkortasuna neurtzeko, inbersio kopurua ez da gauza bakarra.

Facebook Esperimentuaren Emaitzak

Facebook experimentua dela eta, aste oso batez profil faltsu bat facebooken barrena ibili da, lagun eskean. Lehenbizi, Euskal Herrian barrena eta Espainian barrena bidali zituen lagun eskaerak, baina lortutako emaitzak porrot totalak besterik ez ziren izan. Egia esan, atzerriko izen eta abizenekin, sail xamarra suertatzen da gaztelerazko eta euskarazko izenak dituenengan ezagutaraztea. Horretarako arrazoietako bat izan liteke, jendeak badakiela, facebookean ez hainbeste baina messengerean ikusi ahal izan den bezalaxe, jatorri ezezaguneko izen batek norberaren kontua edota ordenagailua izorratzea(birus batekin, adibidez) eragin dezakeela. Orduan, lagun eskatzeari uko egin, eta bere informazio orria modifikatzea otu zitzaion. Horretara ekin eta Abraham Lincol High instituan eta Oxford Universityn egin zituela ikasketak jarri zuen. Hortaz gain, Eusko Jaurlaritzan lan egiten duela jarri zuen.
Astea aurrera joan delarik, profil faltsuak lortu dituen 10 lagunak bere ikastegietan egondako beste kide batzuk zirela ondoriozta genezake. Egia esan, 6 lagun lirateke Oxford Universityn egon ostean, eta ezertaz ezagutzen ez zuten bati lagun eskaera bidaltzea erabaki zutenak. Beste lagun bat, Abraham Lincoln High institutuko ikasle bat liteke.

Egia esan, nik pentsatzen nuena baino emaitza txarragoak lortu ditut experimentuarekin. Gaur egun sare sozialetan lagunak lortzeko arazorik ez zegoela pentsatzen nuen, baina badirudi ez dela hain erreza.

Lehenago azaldu dudan bezalaxe, soilik 10 lagun lortu ditu, eta horiek guztiak, ikasketa kideak izan zitezkeenak eta beraien ezagun batzuk lirateke. Horrek datu interesgarri bat eman dit, Institutu bakar batean, ikasturte berean egondako bi pertsona, batak besteari buruz ezertxo ere jakin barik(arraroa iruditzen zait, institutuak ez baitira hain handiak, izena entzun ez izateko) lagun izatea eska diezaioketela elkar. Argi dago komunean duten ezaugarri bat litekeela; leku berean ikastea, eta horrek lagun eskaera egiteko haina enpatia sorraraz dezakeela.

Honetaz guztiaz, ondorio argi bat atera dut, berdin dio beste profil bati buruz jakin dezakezun gutxia, nahikoa izan bailiteke interes, ikastegi, edota beste elementu bat komunean izatea lagunak lortu ahal izateko. Aipatzekoa litzateke baita ere, jendeak erraztasun haundia duela ezezagunekin harremanetan jartzeko. Faktore honen ondorioak jakiteko, kontuan eduki behar genuke(guk egin dugun bezalaxe) jende askok eta askok bere irudia, izena, informazio eta gauza guztiak "egokitu" ditzakeela jendaurrean arrakasta gehiago lortzeko, irudi hobeagoa eskaintzeko, e.a.

Horrelako faktoreak azaltzean, ezinezkoa zaigu publizitatearen baliabideetan pentsatzea. Norberaren irudiaren inguruan arrakasta gehiago lortzea posible izanda, noraino hel litezke publizitatearen baliabidea?
Ba, auskalo...
Nik neuk, nere Facebook profil benetakoarekin, hainbat talde, edota enpresaren lagun naizela aitortu beharra daukat, eta hauen baliabideak ugariak dira. Profilaren bitartez, norberaren horman mezu publizitario zuzenak helaraz daitezke, aurrerago egingo diren ekintzetarako gonbidapenak bidali daitezke, Irudi korporatiboa sor daiteke(enpresa edo taldearen profila beste talde batzuekin harremanetan jarriz, adb.), eta argi dagoenez, kontsumitzailearekiko harreman afektibo bat lortzea lortu daiteke.
Hala ere, sare sozialetan bakarrik oinarrituriko kanpaina publizitario bat egitea ez zait ideia ona iruditzen, izan ere, Internet bezalako herraminta batekin, nabigatzaileek kontsumo selektibo bat egin dezakete, eta ondorioz, kanpainak inpaktu murriztuagoa lortu dezakeela deritzot, profil batek helarazitako informazioa mezu publizitario zuzen batek(audioa, bideoa...)baino gutxiago erakartzen bainau, behintzat niri.